Los Nuesos Vinos 

“Siete son las vidas que conforman el nuesu proxectu, muitas más las que día a día l.luitan por que la viticultura asturiana milenaria perviva ya nun chegue a saparcer”.

Vinos nuevos, frescos, agradables, pa consumir nun períodu de non más de 3 años. Con esta premisa fademos Siete VidAs Albarín Blancu de la variedá Albarín Blancu, ya Siete VidAs Tintu, coupage de las variedades tintas del país diferentes. Vinos sinceros, preparaos conas técnicas enolóxicas más modernas ya cono carácter propiu que-ys da'l clima, el suelu ya'l saber milenariu de las manos que cultivan las cepas tresmitiéndose de xeneración en xeneración.

Un reflexu fiel de los vinos tradicionales asturianos adaptaos a los tiempos d'agora.

“Expresión fiel de los meyores vinos tradicionales procedentes de viticultura heroica, en pendiente fuerte, con uvas recoyidas ya feitas vinu pola mano del home dende tiempos inmemoriales nos val.les qu'agospian estas cien montañas”.

Frutu del trabayu ya de la xenerosidá de la naturaleza qu'a veces tien a bien premianos con frutos de primera calidá.